返黎啦！

六日五夜既東京＋輕井澤放血之旅話咁快就完左Lu!原本打算去瘋狂放血的,但係唔知係米正正減價與新貨既交接期,減價貨超唔掂,新貨又超少！所以係最後個日都仲用淨成五萬yen!
為左要用晒D yen,我再發揮亂買精神，服務人群！最終成功用淨萬零yen,諗住去到機場食埋佢,正因為我買到唔知時間miss左班車,最後去到機場要狂跑去check in,只能係入閘後快速地買件三文治！點知原本諗住三文治應該都好快搞掂啦,比左錢後點解佢仲唔比我既呢？原來佢要翻熱比我,日本人真係細心到暈！

特別鳴謝靚仔matthew日日幫我喂D貓貓同「不」屎！

一樹梨花壓海棠2

嘩！ 唔夠兩日呢棵野"song"開呀


同場加演！

1）觀音坐蓮


2）蝴蝶飛

一樹梨花壓海棠

剛過左個果星期六係太子買左棵日本海棠,當時只係好細既花苞,仲驚緊佢唔知會唔會開花！
點知今日一早見佢出左好多花苞,下午仲開始開花！好開心呀！好"Lam"呀！




日本海棠：$65
p.s.唔知玩到幾耐！XD

阿仔！你生性啦！

佢好食懶菲
鐘意睇戲
晨早四點鐘意搞醒你
隻隻糧都嫌三嫌四
見到罐頭就"lam"晒脷

佢恃住肥
以為我會錫晒你
四個月大既地毯都比你玩殘玩死
係呀！係你呀！
係話緊你呀！

環保黑星

只不過係短短三個月,我既外賣筷子儲存量已經去到以下咁既地步！ai..............阿upphone唔該你叫少D外賣啦！

牛Don

琴晚半夜肚餓搵野食,醒起我有盒原本係買黎放係x'mas抽奬set度既叮叮“牛Don"


佢好細心地將牛同飯分外pack


一打開個飯蓋,嘩！D飯真係粒粒都咁圓咁飽滿,最特別係當我打開個蓋時係有D水珠係D飯上面既,唔知係米想保持飯既水份,等叮完後冇咁乾身！


將包牛肉放落飯然後叮佢兩分鐘！話咁快一碗熱辣辣既牛don就係我面前啦！


食後感：
牛肉味似國產回窩肉，ok la,但太少lor!
但係個飯真係冇得頂,好有飯味同咬口！我覺得下次可以叮完呢碗野再加隻太陽蛋就正晒！

購買地點：city濕柴！
價錢：$1x(好似係$18)

dream house

呢排為左黎緊既日本之旅,不停係網上搵輕井澤既料,無意中發現呢間木屋！真係一見鐘情！
成間屋都係980000yen,即係大約港幣$700000,如果老左可以買番間呢D屋仔,得閒可以返去渡下假真係好過"big貴圓"多聲！

無聊相

無聊相分享！