阿貓格言!

見陽光就曬太陽！
有野食就食!
想訓就訓!
唔鐘意就唔鐘意，冇面俾!

活在當下，享受生活!

smile:)

從一無所有，到一無所缺．
當你思慮愁煩時，請看看他...

http://www.youtube.com/watch?v=mu9FPb-TZuk

野蠻怕屈機!

話說今個月地獄式狂做左個x'mas campaign，其中一part係要幫客戶做一個snapshot x'mas card programme, 即係即影,即upload,即加別注x'mas graphic ,即print出黎做一張個人的心意卡
(突然加插的function,前後得幾日時間去做)

看似簡單的一個function,我都早了一個星期將source給他們做testing,
過了一日後，他們說好忙，未有時間試，好再過了一日，他們說printer沒有ink...............-_-"
okok........在我瘋狂威迫下，在星期三終於肯開始試................一試大獲!!!!!有問題，有A ,B C................! 即call埋programmer上去，大家拆掂佢！星期四改完，他們說問題解決了，即時安心去搞埋其他野，準備星期五全個campaign出街!!!

星期五下午五點電話響起：

客：你個果programme用乜野方法整架，大老細今日去試試唔到，出左個email狂鬧,問你都唔識架啦，你直接叫你個programmer打比我啦!!!!<注：態度超串>

o: 琴日你地話冇問題架wor.....我地自已都試過好多次都冇問題，究竟點樣試唔到呢？

客：我唔知，我當時唔係現場，總之而家我地既printer就print唔到，你既printer試到唔關我事！

O: 你冷靜D先，咁你地唔比個printer我地試，咁我地唔會知個問題係邊架wor!

客：呢個唔係我地既討論範圍！

O：............................

okok以上好明顯唔係討論啦，係有人比人鬧，有人鬧人姐!!

poladroid

好多謝素顏的介紹！
Poladroid真係好好玩，只要將一張普通的相透過poladroid free software就可以有一張寶麗來feel既相！超有feel ar!!!!
講到點出神入化都不及自已親身去玩下！

即去poladroid.net度download返個software試下啦!
p.s. 只限mac機!

original

After Poladroid!

迷罔

近排真係好迷罔，做左成三十年人從來未試過咁唔知自已想點既!
其實究竟即係點呀大佬!!!!
個人好似係個十字路口，好似條條路都通但係又好似條條路都唔通!!!!!

如果我而家係二十歲的話我估我真係會乜都唔理，自已一個走去流浪一個月，返黎再面對現實!!!!!
重新做人!!!!

好討厭而家既自已!

十年不見!!!

facebook真係好勁!!!可以比你搵返好多十幾年都冇見既朋友!!!
但係十幾年都唔見，仲稱不稱得上叫朋友呢???
但是當你再次看到那時既合照，那種感覺又好似返番黎!!!
想當年原來我們四人真的經常癡在一起!!!! hahaha.......

我努力想過究竟為何我們畢業後會這麼少聯紹呢？
最後我想通了.............就是因為我們都是讀design的，
一畢業都一同交了惡運，入了超級無良的desgin house，
放工無期，生活只有同事和公司!!!
耐了，自然就沒有聯紹，
可能人老了，唔可以再只顧工作............
我希望可以再次搵到朋友!!!
我希望老細都唔好再只顧工作了!!!!!

p.s. 我個時好似只得九十磅炸...陰公，真係歲月趨人肥!!!!!!

九號風球有乜搞!

係我多事係我八卦
一心諗住落去平台會一會「鸚鵡」，
於是搵埋同屋主一齊搭"lift"落去平台追風，
一打開lift門，癲狂鸚鵡瘋狂亂吹加上風聲wewe wuwu，
立即諗都唔駛諗第一時間想閂lift門走人，
點知最pk既事發生啦......................................太大風閂唔到lift門!!!!!! OMG

跟手見到lift內有張紙大大隻字寫住「因颱風關係,平台暫停使用」
ai......最衰自已發雞盲，被困係Ｌ９唔上唔落，出去平台既門又lock左，正當唔知點算既時候，
同屋主就提出左一個好有「建設性」既辦法：
佢話: 冇辦法架啦，一係call消防黎啦，
咁聽日報紙就會寫「九號風球下，白痴中女發雞盲亂闖狂風平台被困，
浪費消防人力請救，救出時一臉迷罔」！
真係十個頂！！！！！

ok ok我知我唔應該捉埋佢落去追風......係我連累佢被困.....我都知係我衰啦！！！

但係我都唔想架麻!!!!!!XQZY&5*(%$########

等左差不多半個鐘後，好彩有個保安員上黎救左我地！！！！
真係𤓓到唔知想點呀!!!!!!!!!!!!

好想食你個八月十五!

一年唔覺又中秋，　我不嬲都唔多鐘意食月餅的，討厭既程度係一年最多食到八份之一個!
但係今年唔同啦, GOD推出既月餅簡直令人食欲大增，唔好講笑，一見就想買個黎「啅」！！

hohohoho..............

哭了!

近排電視頻頻播奧運，每每見到中國運動員擇金都會說有多感動云云!
可能我並不是太愛國，我真的沒有多大感覺！

但是今日見到劉翔退出.....我真的有想哭的衝動,
不是為了沒有了一面金牌，
而是真的替他痛，痛得那麼勵害還要頂著上場！

我覺得這才是感動！

劉翔永遠支持你啊！

終於都高清左

剛剛搞掂,一個字煩!!!!
唔知幾時D電視先可以有內置高清盒加可以插USB hard-disk 錄影功能!!!!!
ai..........
最後買了以下咁多野先可以高清:

1. HDMI switcher
2. 天線
3. optical out
4. 機頂盒
5. usb hard-disk + 3.5" case
6. 加八個頭的拖版(呢個超級難買，今日行左好多地方先買到)

搞左一輪...........高清左既第一感係，除左無線高清台超靚之外，其它不外如是................>.<

超讚的相片瀏覽器 — piclens

多得語塞的介紹，得知piclens！
用piclens瀏覽yahoo, flickr........更快更靚!!!

http://www.piclens.com/

lomo版DC — VQ3007

它沒有大LCD甚至沒有LCD screen, 沒有auto focus, 沒有閃燈，沒有高解像度的鏡頭，有得只是lomo的神經質，嚴重偏色和3百萬像數比手提電話還要底的鏡頭，但是我就是愛它的unexpected,就好似菲林機咁，永遠要曬相個刻才知拍了什麼鬼樣! 加上jelly lens就玩得更過引了(即扣係部機個幾個), 我買左一個六分鏡，close-up鏡同seller送我一個wide angle plus fish-eye len!

今日試了第一次，距離同時間都未掌握到
係polly推介我玩的，你睇佢已經影得好好了!!!!!

良心小店 — 瑞記

從前幾期的飲食男女介紹得知有此店，傳說這家茶店老板因要退休，就將這茶店送了給在這𥚃打了好幾十年工的佰佰，而佰佰為了知遇之恩就一直堅持著用心和認真的煮法去經營，就連年老的老婆要回鄉嘆世界，他仍堅持要做下去，不論打風落雨都要回一回茶店才安樂！

現在個果都叫佢瑞記，都沒有人知他的真名了!

今日總於的超心肝去食個lunch 先!

我和同屋主分別叫了凍奶茶，熱咖啡，咸牛肉蛋角包，鮮牛蛋治和招牌西多士!

招牌西多士：出面食到的西多士多數都是將麵包放落一大泡油炸的，而這𥚃是慢慢用煎pan煎的，所以整個西多士都好有蛋味而不油，一個西多士才收你十五元，但係要花成十幾二十分鐘才煎好一個，真係良心之作!



招牌凍奶茶：它是將奶茶溝好放落玉湶樽再放在雪櫃雪凍的，好飲，好飲過荃灣嘉樂冰室，金鳳和太興!


咸牛肉蛋角包: 好好好好好好食!!!
咬落去外軟內脆，蛋加了「青」花好香，原來將𥚃面烘脆再加蛋是這樣好味的！

後記：
這日撞岩有個記者替瑞記老板影相，咁岩佢影影下去換電，佰佰就捉著我叫我幫佢影相，仲要我跟他入去廚房同我講佢D咖啡奶茶係點整點整! 真係好熱情啊!!!!
幫他影完相後他還叫我要快D曬好D相比佢，佰佰，我想話：現在的相是不用曬的了!!!!!!hahaha

斷頭睡姿

貓真係好奇怪，係要訓到超高難度，先代表佢係訓得「冧」　
你睇佢訓到好似比人棄屍木箱咁既款，如果係人訓成咁，訓醒條頸一定唔駛要!

追加人類最衰睡姿之代表：

旺財生擒奶茶

旺財狠狠地用兩腳一夾..................奶茶即: 舉手頭行!!!!!

好心做壞事

話說我阿哥一直嚷著要換過張梳化，咁岩我拍vaio LT時見到呢張出品自Aluminum自家製既梳化又好似幾靚咁，租黎影相要比30%既價錢，咁我變相就可以七折買左呢張野啦!
扮晒孝順咁話比阿媽知我買左張梳化比佢，當佢收到貨時佢仲打比我話張梳化好靚，仲可以做梳化床點點點.......下省一百字!!!!!!

過不到幾日，阿媽又來電啦:
媽：阿妹呀，其實呢張野有冇得退貨架？
我：下!你想點呀？退貨，你之前唔係話好靚架咩？
媽：係靚，但係第二日個坐位已經凹左.......不過都‵冇野架....冇得換唔緊要!!!!

再過數星期
媽:阿妹呀，我地買左張新梳化......................你個張我同你老豆都忍唔到啦，坐到我起唔到身!
我：.............................................................算啦!最緊要都係你地坐得舒服lor!!

:(

吃不到的葡萄!

呢排只要一坐埋去個電腦度，奶茶就會以光速跳上枱將隻手同頭同一時間疊係你隻手度跟住狂訓!!!仲要訓到發埋夢，手"young young"!　懶得意咁!!!!!

不過以上專利並沒有我的份兒......aiiiiiiiiiiiii
我係同貓絕緣的......:(((((((

我的mongolia 養女!

今日收到我係宣明會助養既蒙古小女孩"Munkhbat"的最新照片，
第一個反應係「嘩!!!!!!仲乜事呀，肥到成個波咁禁」
佢個頭真係有359度圓呀!!!!
跟手我攞返晒佢寄比我既相，先發覺佢係一次比一次脹的!
個一刻我突然浮起兩個諗頭:
1. 我既小小捐款，令到佢生活得肥肥白白，宣明會都總算冇白費我既捐款!
2. 其實他們的生活質素都ok wor，成家都肥肥白白之外，阿Munkhbat仲要次次影相都唔同衫，o7年個張仲要玩埋layer tim！其實宣明會係米耍我呢???係米菲洲個D小朋友更加需要我地既助養呢？

Reflection–餅印

轟轟烈烈型

係網上看到"戀人超速配"
發覺超準! 測試結果如下:

你倆是「轟轟烈烈型」搭配，速配指數7.0。

你熱情豪邁、有王者風範，而她個性堅韌而不妥協、內冷外熱，個性都很強，只不過是你顯露在外，而她卻深藏於心。

你倆在一起都是轟轟烈烈的，一旦兩兵相接就如天雷勾動地火(經常都係咁)，一發不可收拾。

不過，要小心隨時有爆炸的危險。

你凡事喜歡挑明著說，而她性格內斂，喜歡先觀察再做定論，會覺得你浮誇做作；你也會認為她有點不可理喻、有點陰險。（呢幾句簡直講中晒）

你應心胸更開闊，讓她知道你的愛開朗又溫暖。

若你倆彼此心心相惜，將是很強的組合，如都堅持己見而形成對立，那就難以拉近喔！

低清老翻王 (be kind rewind)

阿jan一直話要去笑餐死，係咁要我陪佢去睇「低清老翻王」，
而我因為jack black上次個套Nacho Libre(嘮嘈神父撁跤你）令我大失所望之後，
對於呢D疑似何理活爛片真係見到都反胃，
咁岩今日要去九龍站探朋友J個BB,就順道去「圓方」既the grand 睇呢套野須下佢意!

故事講述jack black意外地被「磁化」，亦意外地「磁化」埋好友間影帶店內既全部影帶。為保飯碗兩人惟有重拍顧客們要借出的每齣電影！

看後我覺得呢套理.............真係超低能勁白痴...............................jack black既表情加上佢地既創意令
我笑足全場，真係好好笑！如果想放鬆下嘻嘻哈哈個半鐘都真係一個唔錯既選擇！

題外話：The Grand cinema張椅真係好舒服，我覺得正過 palace ifc !

VAIO LT

超級唔順利既一個job,由租屋到搵model都係一波三折，其間我仲要係一邊流感一邊Mcome:((
最終搞掂第一個!
http://www.sonystyle.com.hk/ss/campaign/vaio_lt/index.jsp?cid=s_0803_ssbannerf_VAIO_LT

辛苦拍攝的第一天

每次搵屋，次次傢私都唔岩心水，次次都要bobo搬餐死！
第一日既變態shooting開始!




BoBo好努力咁清潔呀!

I love cat cat!

don't want to work anymore!!!!!!!!

我發覺我係一個乜都做得唔好既人！一事無成！
唔想做任何野！唔想做任何野！唔想做任何野！唔想做任何野！唔想做任何野！
唔想做任何野！唔想做任何野！唔想做任何野！唔想做任何野！唔想做任何野！
唔想做任何野！唔想做任何野！唔想做任何野！唔想做任何野！唔想做任何野！
唔想做任何野！唔想做任何野！唔想做任何野！唔想做任何野！唔想做任何野！
唔想做任何野！唔想做任何野！唔想做任何野！唔想做任何野！唔想做任何野！
唔想做任何野！唔想做任何野！唔想做任何野！唔想做任何野！唔想做任何野！
唔想做任何野！唔想做任何野！唔想做任何野！唔想做任何野！唔想做任何野！
唔想做任何野！唔想做任何野！唔想做任何野！唔想做任何野！唔想做任何野！
唔想做任何野！唔想做任何野！唔想做任何野！唔想做任何野！唔想做任何野！
唔想做任何野！唔想做任何野！唔想做任何野！唔想做任何野！唔想做任何野！
唔想做任何野！唔想做任何野！唔想做任何野！唔想做任何野！唔想做任何野！
唔想做任何野！唔想做任何野！唔想做任何野！唔想做任何野！唔想做任何野！
唔想做任何野！唔想做任何野！唔想做任何野！唔想做任何野！唔想做任何野！
唔想做任何野！唔想做任何野！唔想做任何野！唔想做任何野！唔想做任何野！
唔想做任何野！唔想做任何野！唔想做任何野！唔想做任何野！唔想做任何野！
唔想做任何野！唔想做任何野！唔想做任何野！唔想做任何野！唔想做任何野！
唔想做任何野！唔想做任何野！唔想做任何野！唔想做任何野！唔想做任何野！
唔想做任何野！唔想做任何野！唔想做任何野！唔想做任何野！唔想做任何野！
唔想做任何野！唔想做任何野！唔想做任何野！唔想做任何野！唔想做任何野！
唔想做任何野！唔想做任何野！唔想做任何野！唔想做任何野！唔想做任何野！
唔想做任何野！唔想做任何野！唔想做任何野！唔想做任何野！唔想做任何野！

tegan & sara

因為睇左《Juno少女孕記》唔知點解好鬼死鐘意裏面D歌（當然我係唔會買佢張suondtrack啦），
搵下搵下原來係呢隊Canadia twins"Tegan & Sara"
仲比我發現左呢個website:playlist.com,
呢個website可以search自已既歌整個playlist放係你個blog or facebook etc......
最正係你唔需要付出任何金錢就可以搵到你想要既歌真係岩晒我呢D cheap精！

好滿足

人真係好賤格的，細時就成日想搬出去住,唔駛比屋企人煩，鐘意幾點食飯就幾點食飯，最好日日唔駛食飯飲湯，可以狂「對」可樂，暑片，唔駛成日同阿哥爭廁所用，齌諗都覺得正！

反而宜家又好懷諗同屋企住既感覺，好想陪下阿媽去買餸同佢講下八婆野，同埋陪佢講劇情（真係唔知點解每個師奶都咁鐘意講劇情）！

呢排好忙都有成兩個星期冇返過屋企食飯啦，點知今日阿媽帶左飯同湯比我食，雖然唔係乜野山珍海味，但係食完個飯盒後我真係覺得好滿足，好溫暖！

至長飯局！

消耗時間：20:00至04:00
當晚餐牌：

1 御廚磨菇湯

2 煎鵝肝配御廚陳醋濃汁

3 家姐姐夫薄餅

4 太后燒香雞

5/ 御廚Bread & Butter Pudding





全部野食都超級美味，其實淨係睇佢地製作既過程都已經十分享受啦！

橫濱

原本打算用大半日時間去橫濱行下,點知係東京站轉車時,見到有間丸之大樓,無無聊聊唔知點解又走左入去shopping!
"side"左我一D時間,搞到我成五點先去到橫濱。
去到既時候天都差不多快黑啦！拿拿淋去搵「大棧橋國際碼頭」，去到既時候先發覺原來離JR站都幾遠的！
但係地圖指示係一直行轉個灣就到,咁就唯有照行啦！個天越來越黑,人就越來越少！大家都驚行錯路,但係一直又有路牌指示向前！點知我地至少行左半個鐘至九個字先行到去！真係頂呀！
好彩個個碼頭同個夜景真係好靚！





行完個碼頭超肚餓,就係隔離一間好warm既cafe食晚餐！
呢餐係我係日本食過最好食既一餐！

所有野都好好好好好食！
特別係個杯Cappuccino好靚呀！

嘉樂冰廳！

前排睇蘋果推介呢間茶餐廳,咁岩今日要去荃灣就走去試下！



叫左鹵水雞翼，鹵水豆腐，鹵水蛋！
再加左唔係人咁品既鮮蛋牛治！！

鹵水雞翼：好味！不過唔係超級個隻！
鹵水蛋：好味！不過銅羅灣既老三陽茶葉蛋好食D!
鹵水豆腐:我覺得麻麻地,但係阿jam話好好味！
鮮蛋牛治：超正！仲係見佢件蛋就知正！
奶茶都正！

打游C!

近日淫照風波好睇過糖心風暴,日日係newsgroup見各網友既出位言論真係笑死左我,以下呢首打游詩真係好有深度！

作者：艳照

二零零八第一炮
臘腸鮑魚係咁爆
驚聞玉女床邊咬
方知藝人唔可靠

人前衛道又健康
人後兩腿不設防
性愛本屬等閒事
閂埋房門邊個知
可憐腦殘加白痴
又影又拍勁弱智

以為男人冇蝕底
四圍show比老友睇
留係電腦又唔洗
結果穿左櫃桶底
睡房儼如部落格
含吹舐啜有方法
睇到網民津落道
只因前人冇咁PRO
利用網路去散佈
彷彿奇拿來引路
傳媒齊聲話偽造
翌日又多四幅圖

英枉偽協齊護短
可惜口供冇彎轉
昔日紅顏眾星散
淫男遠走他鄉間

難為人妻極落寞
老爺奶奶空頻撲
牽一髮而動全身
空群警力去尋人
本是茶杯小風波
求助國際意若何
窮凶極惡侵私隱
人權自由當老襯
合縱連橫搜網民
九牛二虎得一人
豈料非始俑作者
匆匆過堂扮下野
據理力爭無能用
還押監房只因窮
非禮強姦有得保
上載圖片乜都冇
法律偏幫有錢人
專蝦升斗小市民
小弟從來憎普選
今次都覺冇得算
若然泛民食住上
普選肯定冇賴賬
呼籲各大小市民
呢鑊一定要遊行
　　　　　　　　
法律面前 窮人含撚
出得黎淫 預左要含

輕井澤hoshinoya

從未去過輕井澤,但係不時聽到“輕井澤點靚點靚““好有外國feel"等等讚美既說話,
終於係今個旅程可以去會一會呢個人人口中好靚既地方！

但係我最終都係感受唔到人人口中既輕井澤,因為原來我揀錯左時間！
冬天既輕井澤可以講話係一個死城,連滑雪場都只時少貓三四個,只有20%既商舖開門,最慘係連食舖都close!
我所見到的是一個白色的輕井澤,酒店職員話我知係我去之前個日，落左一整日超級大風雪,連JR大宮以後既站都要close！可想而知係幾咁大雪！好彩我到個日已經停左雪,只係落著細細既飄雪,都幾好feel,但係真係超凍,凍到我原本plan去牧場摘士多啤黎同去kingroro推介既瀑布都一一取消！留係酒店浸溫泉！

講到呢間hoshinoya hotel,真係一枝棒！佢細心既服務真係拎我甜到入心！
只要我打個電話,就會有車係我門口等我,司機會幫我開車門,然後車我去溫泉或去食堂食野，
當我浸完溫泉,可以坐係bar枱飲杯野再同 bartenter 講聲,杯drink都未飲完，架車已經係門口等緊我啦！

講完佢既服務,等我講佢個兩個溫泉先！
一個係住客先可以用,另一個對外開放的，前者"懶"特別,但係我覺得好把鬼，溫泉入面係越入越黑暗的,去到最黑暗既地區時會聽到一D蟬既音樂,據講呢個温泉係比人一路浸溫泉一路冥想的,但係我始終都係鐘意最原始既露天溫泉,後者就係我杯茶,可以一路浸一路望星星真係好正！

好希望紅葉時可以再有機會黎多次！


我間房既key,間房除左有room no.外仲要對埋個icon先岩架！我個間係batman!yeah!



我間房既外觀,無論外同內都同website既相99%相似！