久違了的運動！

近來身體越來越差,真不知是人到三十或是連忙了好幾個月加長期睡眠不足的原故！
但係我只知我近來確確切切感受到新陳代謝正在以光速減慢......慢.......慢!
真的感受到自己真的老了。以前有病,最多病一兩日。而家閒閒地病佢個幾星期仲要係睇埋醫生個隻！
想點呢！

好！我而家請各人做個見證,我「簡完一二三」！從今日起，毎個星期最少要做一次一個鐘頭運動！

今日一早,我從深井家出發沿著青山公路一路行到去麗城,沿途涼風送爽，陽光普照。
五分鐘車程的距離我竟然行了成一個鐘（可想而知,平時Ｄ少巴係幾咁忘命）！
出了一身汗感覺自己好似輕了不少！哈哈！

願主祝福我可以每個星期都"的“起心肝去做！
阿門！







原來離家不到十五分鐘路程有個咁自成一角既燒烤地方！

鎖碎事

近來好少寫blog,一來沒有什麼好寫,生活超平淡,二來又不想用自己的睡眠時間來寫！
今個下午趁老細去左少訓片刻就吞pop寫下自己個blog先！



呢張係近期我好鐘意既相,相𥚃既奶茶好靚（我覺得,哈哈！我不嬲都偏心奶茶架啦！）

樓下個間新酒樓終於開張啦,係上個星期五約埋屋企人諗住去試下啦,
去到門口,經理話因為點心師傅未同管理層傾掂價錢所以未返工同唔知今日返唔返！
叫我不如下次再黎過！我覺得超爆！咁不如唔好開張啦！！！！

琴日下午我又走去睇下呢間野執左未啦！點知又如常開門做生意wor!
就走左入去食番個lunch：
上海粗抄同腸粉點心一般,
但係我想講係佢既"招牌生煎包“
真係唔講得笑！
真係好..........難...........食law!
難食指數超過一百萬！
整個包充滿油！𥚃面D肉係完全冇味既！
我覺得大家一定要去試試呢個招牌野！出面好難食到！

人神共忿

向來都是政治白痴,亦都唔太留意時事！
但係今次緬甸單野真係太過份了！
僧侶本來與世無爭,如果唔係政府咁差,我估佢地都唔會出黎遊行示威，
佢地無破壞,無打劫,無暴力,有的只有和平地表達對政府既不滿。
點解緬甸政府可以對手無寸鐵既示威者開槍鎮壓？
我雖然無宗教信仰,但係可以對僧侶開槍真係何等既罪孽深重！
睇左今日蘋果註緬甸記者的信,先知道緬甸每月人均收入只有20美元，
20美元呀,我地食餐飯都冇左啦！
但係最令人神共忿的是：丹瑞個條PK嫁女收既賀禮有成5000萬美元！
你話佢幾咁斂財貪婪呀！

睇完單新聞後,我對著旺財同奶茶講：「你睇你地幾咁幸福呀！聽日開始唔可以食咁多糧啦,要收歸國有呀！」

新居update!

新居個廳終於搞掂,但係個工作房仲好似垃圾崗咁樣,搞到我兩隻愛貓好似流浪貓咁樣！

我的同事

上個星期返左“eight"呢個大家庭做freelance 做左四日,工作量就唔太多,但係無聊白痴之事就做唔少！
就係一個photo booth 都比我地玩左成個鐘,我就係最愛佢地既無聊精神！

叮噹奶茶

養了貓之後，我才明白到為什麼叮噹會喜歡在衣櫃睡覺。
奶茶自從懂得弄進衣櫃後,就好像著了魔一樣,只有吃和屙,
其他時間都要在衣櫃裹,務求要將我所有衫都沾滿她的金毛！

奶茶的第一次

自從知道新屋有露台後,發過好幾個關於奶茶跳樓既夢，
所以都沒有打算向貓貓開放露台,直至近日秋風吹至,露台吹來陣陣涼風，舒服非常！
為了慳冷氣費,我決定試下放奶茶出去...........


哈哈！最後她只是行了一圈就走返去她的地盤–梳化底！
當日我還可以開著露台看了兩集"野田妹"，真爽！

三十歲前的連環炸彈！

近月一連收左四個炸彈,每個都要係今年內爆發晒先安心！
大佬你地爆還爆呀,睇住我呢D死窮鬼呢爆Y ma!"硬屎"姐姐仲話要去乜野深水灣俱樂部度擺酒，
想問下各話我應該要比幾多錢人情先合情理呢？？？？
p.s. 可唔可以用真誠去repalce人情呢！希望各準新人考慮下我的建意！

搬屋

呢個幾月真係忙到想死，加上又要搬屋，情緒憾入谷底！總之就係乜都驚餐死！又驚按揭搞唔到,又驚買家摙訂,又驚新屋執漏唔可以如期搞掂,同時間我又要好快速咁學熟flash,又唔敢問老細咁多flash既問題（因為大家情緒都憾入谷底,問完又問既話我會比佢狂丙）！

好啦總終都可以順順利利入伙,但係D櫃就未送貨,要成一個月先送到貨！ai.............

搬左黎呢度都有成兩個星期,對於深井都係完全未熟,今個星期終於有時間可以去深入研究發掘一下深井！

野良っ猫

上網發現呢個野良っ猫
呢個bolg既貓相真係超正！岩晒鐘意貓既人仕！！！

病

呢個星期斷斷繼繼係咁病，星期一開始病,星期二好番D,星期三又病過,
如事者就係咁樣過左成個禮拜！

好耐都未試過病得咁金啦！

對 話

以下內容是copy from "Whocareaboutme"
我覺得好有逃學威龍曾sir上化學堂既feel!

對　話。

上週六，乘公車過海。坐我旁邊有位瘦削的婆婆，看來有點輕度弱智的樣子，本來我沒怎留意，但她忽然跟我談起話來。而話匣子一打開……

婆婆：小姐，家吓幾點呀？
我：1點咯。
婆婆：幾多點話？（很驚奇的樣子）
我：1點。
婆婆：1點呀？真係1點？（十分存疑）
我：（為了以示堅決）係！1點！（說時還遞出手來，讓她看錶）
婆婆：哦，係喎，１點喎。時間真係快勒。
我：嗯。
婆婆：你啱啱放工呀？
我：（！）係呀。
婆婆：你1點放工架？
我：（！！）唔係，我放十二點半架。
婆婆：咁依家幾點呀？
我：（！！！）1點囉。（放心，我為了想積德，並沒有發火）
婆婆：你啱啱放工呀？
我：……係呀。
婆婆：你明天唔駛返工喎。
我：係吖。
婆婆：但你星期一要返工喎。
我：係囉。
婆婆：你返幾點架？
我：朝早8點呀。

如是者，15分鐘的車程，婆婆對「鐘點」十分的關注，不時問我時間問題。也好，起碼時間問題我能為她解答，若她問數學題目，我一定會讓她失望的。

後來我下車，跟她道了別。然後我想，看似無意義的對話，也許於她，意義重大。她或只想找人談談話。

不如，我們一起去做義工吖。

炎夏的奇人奇事

今日搭Van仔返娘家時，竟然見到有對傻仔係三十九幾度既炎夏下，
開左個開逢，真係好想落車訪問下佢：「你係米熱到ka左呀？」

酒池肉林

上星期五終於可以比fanny請到我食飯啦！哈哈，係咪好型，請我食飯都要等！wakekekeke...........
佢話帶我去食好野都講左好耐架啦！一直都好期待！
個晚佢帶左我去尖咀亞士厘道一間叫“酒沐池肉林"既私房菜，唐樓三樓！冇錯係要行樓梯既...............心裡涼了一截！



但係一上到去，環境佈置又好鬼死豪華，大枱傍邊還有一套舒服既沙發比客人飲杯酒吹吹水先開始食野！好有feeling ar
註: 餐聽本身係極度有私隱的，每枱都是獨立房間，但是只有十二人大枱才有沙發



好啦講多冇謂，埋芽野食水準先係見真軍既地方！
我地揀左每人五度菜既set, fanny已一早係website度揀定main course（好細心呀:>),
首先有自家製既麵包，因為當時處於極度肚餓既狀態，所以忙於消滅佢，唔記得影！







頭盤：白汁青口和帶子西柚 (註：當時環境實在太有氣紛，好黑所以張相唔太清楚請見諒！)
白汁青口好味，好juicy，正！而西柚我本身唔太likey所以只覺一般！第三張係焦糖波羅鵝肝：超超超超超超好味，外脆內軟，入口即溶！

湯就有三款：分別係海鮮，波菜和番茄！我揀左番茄好一般，但係阿Fanny揀左海鮮，我試左一淡好鮮甜（點解我唔揀呢！！！）



main course: 羊鞍,好“so"好有羊味，外燶內嫩，正！



最後甜品啦：左：軟心朱古力蛋糕（ok la一般）
中：蘇皮蘋果批 （望個樣我以為係普通貨色，但係一食即刻停唔到口，個蘇皮超好食到唔講得少）
右：凍梳乎厘（我見到個樣仲以為係雪糕，但係又幾好食 wor!口感似雪硬左既yogurt咁幾新鮮）

食完甜品之後我發覺已經成十一點半啦，嘩！我好似七點半開始食架啦bor!
埋單每人三百幾（因為fanny識個老細所以有折，其它人四百中左右）多謝晒fanny姐姐！

酒池肉林
website:www.allezallez.com

旺財crossover Z610i

今朝一早見死肥仔財B係咁望實我部Z610i,
所以就影左佢，有財B既Z610i特別靚！

R2D2 Bin

睇雜誌見到mark雷有個R2DR垃圾筒好正，即刻上網serch下睇下邊樹有得買啦！唔睇由字何一睇真係diu diu diu!
一個垃圾筒駛唔駛賣成US$215呀！

有興趣既可以去呢個website𥄫𥄫：
http://mgrsti3030s.seamlesstech.biz/templates/frmTemplateR.asp?CatalogID=12088&SearchYN=N&subFolderID=177

消失

因為前面既舊樓比英皇收左，仲話要起成三十六層既酒店！
都唔知有冇搞錯既，佢搞唱片公司米好law,學乜人搞酒店呀！
對左好幾年既海景冇啦！再見啦！我會掛住你架！

回應kingroro!

今日係king生既blog度睇左《性 戰 沙 皇 　 蔡 志 森》既訪問，
令我想起前幾期壹仔專子既問卷，想係度同大家分享下：

情慾問卷
(三十歲以下大學生不宜觀看）

1. 你覺唔覺做愛好搞笑?
2. 你有無諗過人植交?有無想過同菠蘿、榴槤、冠軍樹做愛?
3. 有無諗過人獸交，同丹麥的美人魚交換電郵郵址?
4. 想唔想同白雲談情，和清風做愛，與澄澈的溪澗生小孩?
5. 狐狸精、龜公王八蛋、臭老狗，你寧願跟誰上床?
6. 亞洲咁鬼大，邊度做愛最五掂?
7. 屋企咁鬼細，邊度做愛做好?
8. 你阿爸阿媽有無睇住你沖涼?你有無見過屋企人屙Wee Wee?
9. 你知唔知有人姓膠?知唔知以前有個明星叫膠騫人?
10. 睇完問卷，是否覺得不安?

□ 是。 恭喜，閣下有資格擔任淫褻審裁處審裁員。

■ 否。 閣下疑似心理變態，請即致電醫院，排期接受輔導。

dog maths

呢隻狗真係勁！佢可以計出總和係五十既加數！！！
好似片中既例字：
路人甲隨口講23，咁佢就拿拿聲走去搵左四張版，
第一張係"9" 第二張係"5" 第三張係"6" 第四張係"3"
總和又真係23 wor! 最勁係佢知自己計岩！
真係無得頂！


聽阿fanny姐話：
呢隻野係由訓練第一代明星狗（即係N年前地鐵廣告，識拎拖鞋同報紙比主人個隻）既仔訓練出黎加！！！
真係好想問下佢點訓練，我都想訓練下旺財同奶茶“筆屎“同換貓沙！

發洩

今日聽左一個好有壓力既新job,
係整個briefing過程中,我係一路聽一路驚的，心裡面有一萬個唔想做！
但係人始終要“食“，“野“就紿終要做！真是無奈！
可能因為咁樣，我今日就只是因為租DVD這種芝麻綠豆既事向jam jam發脾氣！
我知！我知！我當時真係"M" come上腦咁！真係sorry ar!

返到屋企睇完隻「我要成名」再將所有“M come"發洩到賤兔身上，個人即刻平和晒，怨氣全消！

訓醒！明天又是新的一天！

最黑的星期五！

一生冇做壞事，為何會這樣！！！

剛過了的星期五、六日是我有史以來最辛苦的___________我的家變了澤國！！！

星期五我趁住出去食午飯時開了洗衣機，一心諗住回來時涼埋衫就可以去街！
點知一返到再打開廚房門..................................變左泳池！！！！！！！真係即該係個門度跳左個小字出黎！
點解會咁架！！！
我花了整天“筆“走D水，再花了好幾個鐘將廳的雜物拎走，睇下地毯下面有冇水..................aiiiiiiiiiiiiiiiiiiiiii真係PK度................有水！
可以想像到我見到地毯下面有水時既樣嗎？就好似比人抽乾了成身血，面冇血色即場暴斃。
仲要PK度全屋都係木地板，（等我解析一下木地板有幾PK:當我以為抹乾晒地板時，
一用力踏一下，水又再次由木與木之間洩出黎！PK程度係1000）

星期六我決定搵出原因。
拉開洗衣機睇下究竟條喉出事定個水制有問題。拉開黎睇又乜事都冇，咁我又決定再放衫去洗多次睇下你邊鬼度流水，
如事者又用左粒幾兩粒鐘,結果係仲乾過我個何包搵滴水都冇！咁點解真係天知地知係得我唔知！

但係最奇異既事情就發生啦！
我見部野好似都冇事我就推番佢入去，放番晒廚房既野入去，almost放好晒啦！佢又漏水啦..........................................

(代續）

wii

自從係mother度玩過之後就好想買番去玩下，
多得mother慷慨借出wii sport U.S.A版 ( 聽閒wii sport U.S.A版已經全港斷貨） 我先可以係星期六日狂玩wii sport!




經過廿幾三十個鐘既wii time 後，我覺得有D想死feel,真............係..............好.............累呀！！！！！！！！！！！
但係Jam jam個icon真係好似！！！

買wii後記：
因為要多條線比wii插落去部TV度，所以就走左去買啦，以下是jam jam 同個老板既對話：
Jam Jam： 老板比條“色差線“呀！
老板：駛唔駛要埋呢條呀，DVD出會靚D架wor!
Jam Jam：係米靚好多架？會唔會睇唔到有分別架？
老板： 你話香港小姐係米靚D呀？
Jam Jam: ........................................-_-!!!!!!!!!!!!!

愛在陽光燦爛的日子

今日咁好陽光，同旺財影左張沙龍照，撞鬼佢呀！仲要向住個鏡頭擺pose!!!!!!

奶茶最愛訓的地方

我諗識我既人都知我為人含蓄溫柔，讀書零卷，都可以講話係字都唔識多隻！
但係係呢個科技資訊既年代個個都話要寫blog,咁我唯有都跟跟風又學人寫下啦話！

第一個主角就梗係我隻女啦﹣﹣奶茶妹妹！
其實為佢地兩隻野都買左好多專為pet pet訓既cusion比佢地，
但係就係唔知點解佢死都要訓係我隻手度！！仲要係用緊mouse既時候！！