深井救貓記下集之兩隻只能活一隻!

當初三隻相依為命流落深井，但係我多事，走去捉左佢地，結果三隻只能捉到兩隻，一大一細，遺留一隻細貓繼續流浪...............
相中金貓已經變得好可愛好健康，古靈精怪，被受籠愛，但係大貓就冇咁好命...........
有晚代養主人想捉返佢入寵（因為佢個奶頭要搽藥膏，唔想貓B「奶」佢個奶頭所以要住寵」，
平時好溫馴既佢，突然咬主人，咬得好深，血「巴巴聲」咁流，但係最慘既係，第二日主人被咬既手成隻手腫晒，仲開始發燒，主人驚起上黎報左漁農處，就咁大貓就走進鬼門關啦，過左一個星期左右，
漁農處電話話佢佢地知，大貓死左啦！
呢件事上面，我真係唔知自已當初捉佢地係米好心做壞事，或者我應該要有能力自已照顧佢先好做好心，又或者同貓唔同命，每人或貓都有自已既命運..........隨緣也!!!!!!哀哉!!!

人渣狗主!

有D人真係好仆街，如果你要咁對佢當初就唔好執佢返黎啦!
又要餵佢又要放佢係天台等佢日曬雨淋，打風都唔比佢入屋！
真係令願你打死佢好過咁樣虐待佢，但係佢依然對人咁溫馴！
真係望呢個無良主人可以有報應，下世做返比人虐待既動物！

而家妹妹隻眼要做手術，希望大家可以捐錢幫佢！
捐款戶口: 中國銀行012 610 101 54776
希望貓狗天地website:
http://www.catdoghope.org/

打針記!

又到一年一度同佢兩隻野打針既日子啦，一如往年，佢地一出門口就喵到拆天，
阿妹食杜蟲藥個時真係咬到醫生隻手就黎「斷」咁濟!!! hahaha!

係疹所見到呢兩兄妹等緊好人家收養佢地，妹妹都好靚下，但係兩隻都幾驚人！
姑娘話佢地八個月大啦，不過乜野針打晒同埋絕左育架啦!　希望佢盡快有好心人比個溫暖既家比佢地啦!

捉貓大行動!

前幾日係樓下花叢發現兩隻貓b加一隻成貓!
一有人行埋花叢隻大貓就會行出黎"Fe"人，
見佢瘦得好緊要就立即走去買左d乾糧加濕糧比佢，
唔駛幾秒成包濕糧比佢清晒，食完佢就係咁追住我"Fe"
我估佢真係餓得好緊要，我就再開多包比佢，
佢好快又清埋，之後我放左D bb乾糧同水係度就走左啦，

返到屋企個心好不安，就決定將呢個消息放上網睇下有冇人可以幫到佢地，
點知，網上既力量真係大，不出一個鐘已經有成四五個人話可以暫養佢地直到搵到好人家收養!
但係個問題係............以我既雞手鴨腳兼嚴重潔癖，又點可以捉到佢地呢?
好彩其中一個網友肯山長水又遠入黎同我一齊捉貓(基本上係佢同佢男友捉，我同阿jan係隔離精神上支持)
網友好容易就捉左隻成貓，但係兩隻貓B太細隻，加上草叢D草又密又長兩隻野又走得超快，真係好難捉到佢地，我地由八點半開始捉到成十一點幾，眼見長廊快要息燈關門啦，我們唯有放棄, 放返隻成貓出去，點知佢一出去即狂喵搵仔，金色貓B就立刻走出黎，網友一個快手就捉住佢，成貓聽到金貓B既慘叫就立刻不顧危險走去籠邊Fe人想救貓b，就係咁我地先可以成功捉到佢地，但係仲有個隻灰貓B就完全音訊全無.........最後我地唯有收隊!

我唔想咁快拆散佢地，好彩好心網友mandi肯兩隻都接左返屋企先，
佢地真係唔止好心咁簡單，佢仲好細心咁幫佢地沖涼加捉騷（人手），
佢話每隻都捉左成三十隻騷，個晚佢地搞到成三點幾先搞掂有得訓!


沖完涼之後，白貓即刻靚晒！但係係沖涼既時候發現白貓個肚好似好大同硬，後尾發現原來佢有左，
但係獸醫話佢應該冇可能可以生到成兩個月大既貓b，所以應該個兩隻貓B唔係佢生既！


今日上去探佢地兩隻野，白貓已經好痴人，呢隻金貓B又係好痴人，點搞佢都唔咬人!!!
仲乖過我屋企個兩隻野!

賣飛佛

呢個facial masque真係靚到暈左!

新開始!

經過兩個月地獄式工作，「感謝祭」總於順利做完，想不到這樣一個普通網頁，中間既打擊和難題超過了我呢三十年所有既打擊和難題既總和！現在總於完成了並告一段落，生活突然又每日每時都填滿變成空白.........................................

開始想有個新開始!　好神奇地，在我身邊有好幾位朋友都在呢個月內，生活出了重大改變!
希望我和我的朋友都有一個好既新開始!　「幸運」你幾時黎搵我呀!我等你等得好苦呀!

與神對話

我嚴重覺得呢篇blog超好笑...........
由個名到內容都相當真實及有共鳴..........當今既so call "marketing"真係返屋企耕田la!

http://hk.myblog.yahoo.com/evitaerc@ymail.com/article?mid=167

戀物狂

呢排愛上Etsy，係個度買左隻vintage watch,但係帶上手又發覺錶帶太鬆，
唔知而家香港仲有邊度有好細間個D整錶鋪頭仔呢？
如果可以搵到間有靚既真皮錶帶賣就好啦!

可有可無的人生!

近排有個朋友個朋友，三十多歲就因病去世，朋友概嘆人生苦短，
應樂天自命，及時行樂!但係又談何容易呢!

每日有一半既香港人都做著自已不喜歡既工作，對著不喜歡既人，
米又係頂硬上，唔通真係可以say no唔做?
其實係米做人可以簡單D,住得簡單，食得簡單，唔好乜都頂硬上，
咁可唔可以做返自已喜歡做既事呢？

推動地球進步的責任留返比出自真心希望進步既人啦!

想杰倫,撚他撚

古天樂可唔可以以後都講國語呀佢.........好好笑呀!!!!

TOTO探訪團

原本今日係去探兔兔的，點知原來我一張兔兔都影唔到，
全部掛住同金金影相，真係撞鬼!

金金細細隻真係好得意，杜心伍成晚都��實金金，去到邊跟到邊，超級苦戀個隻!!!!
希望佢可以盡快忘記佢啦，佢地都係有緣無份個隻架啦!!!!杜心伍你鐘意兔兔算啦!

最後要特別鳴謝魚hole鱗既porter袋!

我家有兩隻貓!!!

黎過個屋企既人都以為我仲係養左一隻貓，個名叫旺財!
因為我另外一隻傳說中既貓"奶茶"係永遠唔會蒲頭既
每當門鐘響，開門或有陌生人既時候，佢都會一枝箭咁標入房躲入一個7cm闊既"隙"度!
無論你用任何食物，or 繩都唔可以引到佢出黎!!好硬頸!

好似上次我去旅行，叫左個friend黎我屋企幫我睇住D貓貓，
我個friend竟然可以頭兩日都未見過佢!!!!之後都係每日見到佢出黎食野同去廁所，其它時間就長期係條'隙"到！
知道之後真係心痛死我呀!!!!我個friend仲要好認真咁叫我帶佢去睇下心理醫生!!!!!

aiiiiiiiiiiiiiiiiiiiiiiiii

有時我都好想封左條"隙" 但係又驚佢會好不安，因為佢每日都要去個度巡下佢先安心!!!!
可能個度係唯一旺財同我地都耐佢唔何既地方啦!

hap!

我終覺得開心是天生的!
縱使身邊所有野都對你產生不到開心的作用，
只要自已對自已好，自已令自已開心先係最重要，
食個早餐，望下天，吹吹風都可以好快樂!
煩憂每個人都有，不同既煩憂對不同人可以產生不同既悲哀感，
你唔可以強加自已既悲哀於他人，你可能覺得這樣已經是十分慘的事，
但係大把人可以一笑置知，根本不當一件什麼大不了的事！

就好似我哥哥,因為佢覺得返工好辛苦，經常要做四個人分量既工作，
佢忍冇可忍，剛剛係前幾日無懼金融海嘯毅言劈炮唔撈，
如是者我阿爸阿媽就分別走黎煩我(注意：係煩我，唔係煩我阿哥)
叫我去勸下我阿哥............下刪一百字!

我就盡人屎去勸下佢，我話「東家唔打，打西家，西家一樣咁燃差」架咋！
我打過六份工，有四分半都係做到Pk個隻，我個CD最鐘意就係每當佢放工(which mean 六點)就會走過黎同我講，今晚唔好做咁夜啦，十二點好啦！你可想而知我既工作量都唔係人咁品!
但係我都捱得住啦，搵到另一份先劈炮啦不如，你又要供樓!

我阿哥就咁同我講啦: 妹.............人生唔係咁架，我咁樣做落去根本就係"side"時間，冇野學，冇得益!冇左自已既生活！

哦!明晒，原來佢要既係quality of life!!!!!!!!!!!!!!!!!!!!

但係又有邊個唔想要quality of life 呢大佬!

我覺得冇話錯定岩既，只要你為你自已所決擇既野負責任就冇人可以話你做錯!
至少我知道我哥哥而家好快樂!

碎濕濕!

好耐冇update個blog la!突然有一D好碎濕濕既想寫!
1. 竟然有人唔知乜野叫"博客"，blog既中文係乜都唔知............仲要係八零年代出生既一個人......... 真係與蠢人做事易有心臟病!

2. 由十二月開始一直流鼻水到而家都未好過，晚晚訓覺都勁鼻塞，點知有晚突然醒起阿king同某人吹水時提起既一隻日本藥，就即刻去左萬零，頻感覺去買左枝sato藥廠既「NAZAL鼻寧」從此有覺好訓la!

3.勁想剪頭髮同埋去染返D白髮，希望聽日可以不顧一切去搞搞個頭！

4. 露台既花花草草死得七七八八啦，一定要新年前換過晒佢先得!

5. 見rose去韓國買左勁多平靚正既野返黎，就好想係四月去一轉膚淺shopping之旅，但係各航空公司竟然將去英國既機票減到HK$2500一張，真係好吸引lor!!!!! ai........都唔知點揀，雖然我本身係比較傾向膚淺既!!!!

6. 早排表姐同我按摸，竟然未按之前，第一句問我既野係"米先，你有冇懷孕架，唔係唔按得架bor"！！！真係比佢激死!!!

7. 唔知點解呢排好鐘意叫旺財做"波兒"！

8.開始每晚隊杯蜜糖先訓!

9. 08年十一月個時買左個事業塔，之後真係job 連job...........如果四月之後都係咁好生意既話，　我就真係覺得佢有D料到wor!!!! let see................