話說今個月地獄式狂做左個x'mas campaign，其中一part係要幫客戶做一個snapshot x'mas card programme, 即係即影,即upload,即加別注x'mas graphic ,即print出黎做一張個人的心意卡
(突然加插的function,前後得幾日時間去做)
看似簡單的一個function,我都早了一個星期將source給他們做testing,
過了一日後，他們說好忙，未有時間試，好再過了一日，他們說printer沒有ink...............-_-"
okok........在我瘋狂威迫下，在星期三終於肯開始試................一試大獲!!!!!有問題，有A ,B C................! 即call埋programmer上去，大家拆掂佢！星期四改完，他們說問題解決了，即時安心去搞埋其他野，準備星期五全個campaign出街!!!
星期五下午五點電話響起：
客：你個果programme用乜野方法整架，大老細今日去試試唔到，出左個email狂鬧,問你都唔識架啦，你直接叫你個programmer打比我啦!!!!<注：態度超串>
o: 琴日你地話冇問題架wor.....我地自已都試過好多次都冇問題，究竟點樣試唔到呢？
客：我唔知，我當時唔係現場，總之而家我地既printer就print唔到，你既printer試到唔關我事！
O: 你冷靜D先，咁你地唔比個printer我地試，咁我地唔會知個問題係邊架wor!
客：呢個唔係我地既討論範圍！
O：............................
okok以上好明顯唔係討論啦，係有人比人鬧，有人鬧人姐!!
4 comments:
我唔理，係你printer 壞
Programmer 出左trip，過左年先返
你個聖誕champaign 改做CNY campaign 吧啦
你等俾人插死吧
哦禰陀彿
mother,我都好想可以咁樣同個PK客講,但係冇計啦,我仲要養大隻貓架!
我都係日日對住呢的無賴客，有時真係好無奈，裡外都唔討好，夾係中間，客又鬧，同事又唔happy（因為改黎改去），有時我都做到hang晒機。不過，做完算啦，唔好放係心上面，俾人鬧，惟有呀Q的當唱歌囉，下下入晒腦會爆炸的！
我岩岩睇完潮語動話廊, 先知咩叫屈機, 我以為係一部機!!!
Post a Comment