從未去過輕井澤,但係不時聽到“輕井澤點靚點靚““好有外國feel"等等讚美既說話,
終於係今個旅程可以去會一會呢個人人口中好靚既地方！
但係我最終都係感受唔到人人口中既輕井澤,因為原來我揀錯左時間！
冬天既輕井澤可以講話係一個死城,連滑雪場都只時少貓三四個,只有20%既商舖開門,最慘係連食舖都close!
我所見到的是一個白色的輕井澤,酒店職員話我知係我去之前個日，落左一整日超級大風雪,連JR大宮以後既站都要close！可想而知係幾咁大雪！好彩我到個日已經停左雪,只係落著細細既飄雪,都幾好feel,但係真係超凍,凍到我原本plan去牧場摘士多啤黎同去kingroro推介既瀑布都一一取消！留係酒店浸溫泉！
講到呢間hoshinoya hotel,真係一枝棒！佢細心既服務真係拎我甜到入心！
只要我打個電話,就會有車係我門口等我,司機會幫我開車門,然後車我去溫泉或去食堂食野，
當我浸完溫泉,可以坐係bar枱飲杯野再同 bartenter 講聲,杯drink都未飲完，架車已經係門口等緊我啦！
講完佢既服務,等我講佢個兩個溫泉先！
一個係住客先可以用,另一個對外開放的，前者"懶"特別,但係我覺得好把鬼，溫泉入面係越入越黑暗的,去到最黑暗既地區時會聽到一D蟬既音樂,據講呢個温泉係比人一路浸溫泉一路冥想的,但係我始終都係鐘意最原始既露天溫泉,後者就係我杯茶,可以一路浸一路望星星真係好正！
好希望紅葉時可以再有機會黎多次！
我間房既key,間房除左有room no.外仲要對埋個icon先岩架！我個間係batman!yeah!
我間房既外觀,無論外同內都同website既相99%相似！
5 comments:
間酒店真係好lam呀！果然係一分錢一分貨，不過你去瀑布就可惜的，真係好lam架！輕井澤係好lam，但去過一次就夠了，因為有太多地方未去過，日本仲有好多類似既resort區可以去。下次我想夏尾初秋去北海道。
夏尾初秋？米即係花謝,紅葉又未有個時呀？
Hi, google brings me to your blog. I will stay at Hoshinoya too (my mid-Feb trip to Tokyo). Is it really cold there? Is it snowing a lot and places are covered with snow/ice? What places did you go? BTW, did you try the restaurant at Hoshinoya? Thanks a lot if there's some advice.
hoshinoya真係無得頂呀!
特別睇紅葉時, 實在令人回味.
好羨慕你可以係hoshinoya欣賞紅葉呀！
錢有限,但係好多地方都未去過真係好難會再去呢度la....
Post a Comment