Thursday, July 31, 2008
好心做壞事
話說我阿哥一直嚷著要換過張梳化,咁岩我拍vaio LT時見到呢張出品自Aluminum自家製既梳化又好似幾靚咁,租黎影相要比30%既價錢,咁我變相就可以七折買左呢張野啦!
扮晒孝順咁話比阿媽知我買左張梳化比佢,當佢收到貨時佢仲打比我話張梳化好靚,仲可以做梳化床點點點.......下省一百字!!!!!!
過不到幾日,阿媽又來電啦:
媽:阿妹呀,其實呢張野有冇得退貨架?
我:下!你想點呀?退貨,你之前唔係話好靚架咩?
媽:係靚,但係第二日個坐位已經凹左.......不過都‵冇野架....冇得換唔緊要!!!!
再過數星期
媽:阿妹呀,我地買左張新梳化......................你個張我同你老豆都忍唔到啦,坐到我起唔到身!
我:.............................................................算啦!最緊要都係你地坐得舒服lor!!
:(
Subscribe to:
Post Comments (Atom)
4 comments:
咁張Aluminum sofa而家去咗邊???
而家仲係屋企,有冇人有興趣要????
問阿中
最新消息係,阿媽棄枱保sofa,將原本放枱既地方放左呢張唔好坐既sofa...買多張可摺既枱將舊個張拆左放埋一邊,仲要讚多自已一句:你睇我收野收得幾好!!!
...................
Post a Comment